FIFA oga presido, Sepp Blatter don dey find anoda way wey hin go use chop presido of FIFA again as per say elections go soon reach and na Flying Eagles player wey score best goal for 2015 AYC for final, Bernard Bulbwa hin wan use toast Naija pipu.
Blatter yarn all man on Tuesday say Bulbwa goal wey make Naija waya Senegal for final of 2015 AYC wey just shele finish for Sengal na de best goal wey hin don ever see for hin life.
Naso everybody start to dey carry eye as per say na which level dis man dey carry all man go until hin later yarn am say Bulbwa go be him ambassador for hin campaign to chop FIFA presido again, position wey hin don dey since 1998.
"Bulbwa goal na very ogbonge goal o. Inshort na hin be goal wey totori my belle pass since I don dey see soccer for my life. If una know say e hard to score dat kain goal for de position wey hin tanda and again na for final hin score de goal una go know say na special goal e be.
"I wan use Bernard Bulbwa chop my campaign ambassador for Africa as per say I wan chop presido for FIFA again. I don follow Bulbwa yarn am yesterday and hin talk say hin go do am," Blatter relate.
(Na for Oyinbo Blatter relate.)
*Na APRIL FOOL TORI OOOOOOOOOOOOOOOO! LWKMD!
*HAPPY NEW MONTH TO ALL OF UNA FROM THE WHOLE CREW OF FUTBALL GALORE.
GOD BLESS ALL OF UNA!
No comments:
Post a Comment